*** အချစ်ပျောက်ရှာတဲ့ ဝိညာဉ်ဖြူ ***
---------------------------------------
.... အစ်ကို...
.... ဟင်... ပြောလေ.. လေးနွယ်...
လေးနွယ် တခုခုပြောချင်၍ ခေါ်မှန်း သိသဖြင့် ကိုသက်ဦး ပြန်ထူးလိုက်ရင်း ပြောချင်သောစကား ပြောစေရန် စကားခင်းပေးလိုက်သည်။
.... အစ်ကိုနဲ့ လေးနွယ်ကို အစ်ကို့ အမေက သဘော မတူဘူးနော်... အစ်ကိုနဲ့ ဝေးရမှာ လေးနွယ် ကြောက်တယ် အစ်ကိုရယ်....
အားငယ်စိုးရွံ့သံလေးနှင့် ပြောနေသာ ချစ်ရသူ လေးနွယ်၏ လက်ကလေးကို ကိုသက်ဦး အားပေးသလို ဖျစ်ညှစ် ဆုပ်ကိုင်လိုက်သည်။
.... အစ်ကိုတို့ နှစ်ယောက်ကို ဘယ်သူမှ ခွဲလို့ မရပါဘူးကွာ... လေးနွယ် အနားမှာ အစ်ကို တစ်ယောက်လုံး ရှိနေတာပဲ... ဘာမှ အားမငယ်နဲ့...သိလား လေးနွယ်...
... အင်းပါ... အစ်ကိုရယ်... လေးနွယ်ကတော့... ဘယ်ဘဝ ရောက်ရောက် အစ်ကို့ကို အမြဲချစ်နေမှာပဲ...
လေးနွယ်က ပြောလိုက်ရင်း ကိုသက်ဦးရင်ခွင်ထဲ တိုးဝင်လိုက်သည်။ ကိုသက်ဦးကလည်း ချစ်သူ လေးနွယ်၏ ကိုယ်လုံးလေးအား မလွတ်တမ်း ဆွဲယူ ပွေ့ဖက် ထားလိုက်ကာ မိမိတို့ ချစ်သူနှစ်ဦး၏ ရှေ့ရေးကို ကိုသက်ဦး ရင်လေးစွာ တွေးမိသည်။
လေးနွယ် စိုးရိမ်မည်ဆိုလည်း စိုးရိမ်စရာ မဟုတ်လား။ လေးနွယ် တို့ ကော့ဒွန်းရွာနှင့် ကိုသက်ဦး နေထိုင်ရာ ကညင်ကုန်း ရွာမှာ ကြားထဲတွင် ရွာနှစ်ရွာခြား၍ ခရီးမှာလည်း တော်တော်ဝေးသည်။ လမ်းလျှောက်သွားလျင် အသွားအပြန်ပင် တစ်နေကုန် အချိန်ပေးရလောက်သည်။
ထိုသို့ ဝေးကွာလှသော ခရီးကို လျှောက်လှမ်း၍ ကိုသက်ဦးက လေးနွယ်ကို မကြာ ခဏ လာတွေ့သည်။
လေးနွယ်မှာလည်း ကိုသက်ဦးကို ချစ်လွန်း၍ လက်ခံတွေ့ဆုံသော်လည်း ကိုသက်ဦး၏ မိခင် ဒေါ်ခင်ကြီးကို လန့်နေမိသည်။
ကိုသက်ဦးတို့ မိသားစုမှာ ကညင်ကုန်းရွာတွင် လယ်ပိုင်ရှင် ယာပိုင်ရှင် တောသူဌေးများဖြစ်ပြီး ငွေကြေး ဂုဏ်ဓန အသိုင်းအဝိုင်း ကြီးမားလှသည်။ ကညင်ကုန်း တစ်ရွာလုံးနီးပါး လူများမှာ ကိုသက်ဦးတို့ မိသားစုနှင့် ဆွေမကင်း မျိုးမကင်း များသာ ဖြစ်သဖြင့် အရာရာ ပြည့်စုံ ကြွယ်ဝသော ကိုသက်ဦး၏ မိဘများမှာ ကော့ဒွန်းရွာတွင် ပြောသမျှပြီးသော သူများ ဖြစ်သည်။
ထို့ကြောင့် လေးနွယ်လို တစ်ကောင်ကြွက် တစ်မျက်နှာ မိန်းကလေးနှင့် ကိုသက်ဦး လို သူဌေးသား တစ်ယောက်ကို ပစ္စည်းဥစ္စာဓနဂုဏ်မောက်နေသော ဒေါ်ခင်ကြီး သဘော မတူတာ မဆန်းလှပေ။
သို့ပေမယ့် ဒေါ်ခင်ကြီး အပြင်းအထန် တားမြစ်နေသည့် ကြားထဲကပင် ကိုသက်ဦးနှင့် လေးနွယ်တို့မှာ မခွဲနိုင် မခွာနိုင် အချစ်ကြီး ချစ်နေမိကြလေတော့သည်။
---------------------------------------------------------------------------------
... အမေ...
... အောင်းမလေး... ပလုတ်တုတ်...ဟယ်...ဘာလဲ...လန့်တာ...သမီးရယ်......
ဒေါ်သန်းရီ ထမင်းခူးခပ်နေရင်း အတွေးလွန်နေမိရာမှ သမီးဖြစ်သူ အေးလှ၏ ရုတ်တရက် ခေါ်သံကြောင့် အလန့်တကြား ဖြစ်သွားရသည်။
.... သမီး... အဖေ့ကို သတိထား ကြည့် ကြည့်နေတာ ကြာပြီအမေ... အဖေ့နားမှာ အဖြူရိပ် တခုကို တွေ့...တွေ့နေရသလိုပဲ... တစ်ခါ တစ်ခါ...အဖေ့ ခြေရင်းမှာ တွေ့မိတယ်...အမေ... တစ်ခါ တစ်ခါ စကားပြောသံလိုလို... ငိုသံလိုလို လည်း ကြားတယ်...
သမီးဖြစ်သူ စကားကြောင့် ဒေါ်သန်းရီ အံသြမိသွားသည်။ မိမိလည်း ယခုပင် ထိုအကြောင်း တွေးမိနေခြင်းပင်။
.... မဖြစ်နိုင်ပါဘူး သမီးရယ်... သမီး အမြင်မှားတာ... နေမှာပါ...
.... ဟာ... တကယ်မြင်ရတာပါ...မေမေရယ်... မိန်းမ တစ်ယောက်ပုံနဲ့ တူသလိုပဲ....
အေးလှက သူတကယ်မြင်ရသည်မှာ သေချာကြောင်း ခိုင်မာအောင် ပြောနေသည်။
.... သမီးရယ်... အလုပ်ကတဖက်... အဖေကို ပြုစုရတာ တစ်ဖက်နဲ့... စိတ်ပင်ပန်း လူပင်ပန်းဖြစ်ပြီး... ကယောင်ချောက်ချား မြင်နေရတာ နေမှာပါ... ကဲ.. ရော့...ရော့... ဒီထမင်းလေး သမီးအဖေကို ဝင်အောင် ကျွေးလိုက်ပြီး.. သမီးလည်း နား လိုက်ဦး...
အေးလှမှာ မိခင် ထိုးပေးသော ထမင်းပန်းကန်ကို ကြောင်တောင်တောင်နှင့် ယူသွားပြီး အိပ်ယာထဲမှ ဖခင်ကို ထူ၍ တယုတယ ထမင်း ခွံ့ကျွေးခိုက်သည်။ ထိုအခြင်းအရာကို မြင်မှ ဒေါ်သန်းရီ ပြုံး၍ သက်ပြင်းချနိုင်တော့သည်။ စောစောက အတွေးများကလည်း အလိုအလျောက် သူမ၏ စိတ်ထဲ ပြန်ရောက်လာသည်။
သမီး ကြောက်မည်စိုး၍ သာ မဖြစ်နိုင်ပါဘူး ဟုပြောလိုက်ရတာ တကယ်တော့ ယောက်ျားဖြစ်သူ အနားမှာ မိန်းမသဏ္ဍန် အရိပ်တစ်ခုကို ဒေါ်သန်းရီ ကိုယ်တိုင် မကြာ ခဏ တွေ့နေရသည်။
စတွေ့တုန်းကဆို ဒေါ်သန်းရီ ထိတ်လန့်သွား မိသေး။
လွန်ခဲ့သော တစ်လခန့်က ဖြစ်သည်။ ညအချိန် ဒေါ်သန်းရီ အိပ်ပျော်နေရာမှ အသံတစ်ခု ကြား၍ အိပ်ယာမှ နိုးသွားသည်။
.... အစ်ကိုရယ်... လေးနွယ် ရှာလိုက်ရတာ... ဟင့်...ဟင့်...
ငိုသံလိုလို ငြီးသံလိုလို အသံတစ်ခုကို ဒေါ်သန်းရီ ကြားလိုက်ရသည်။
ကြည့်လိုက်တော့ မလှမ်းမကမ်းရှိ ယောက်ျားဖြစ်သူ အနားတွင် ထိုင်နေသော မိန်းမသဏ္ဍန် တစ်ခုကို အပြင်မှ အိမ်အတွင်း ထိလင်းနေသော လရောင်အောက်၌ တွေ့လိုက်ရသည်။
သမီးများလားဟု ဘေးနားကြည့်လိုက်တော့ အေးလှမှာ သူမ အနား၌ပင် မလှုပ်မယှက် အိပ်မောကျနေသည်ကို တွေ့ရလေသည်။ ဒေါ်သန်းရီ ကြက်သီးတွေ တဖြန်းဖြန်းထကာ...
.... ဟဲ့... ဘယ်သူလဲ...
ဟု အလန့်တကြား ထမေးလိုက်လျင် ထိုအရိပ်မှာ ဒေါ်သန်းရီ မျက်စိရှေ့တွင်ပင် ဖျက်ခနဲ့ ပျောက်ကွယ် သွားလေသည်။
ဒေါ်သန်းရီ အိပ်ယာမှ ကမန်းကတန်းထကာ မီးထွန်း၍ တစ်အိမ်လုံး လိုက်ရှာသော်လည်း မည်သည့် အရိပ်အယောင် မှ မတွေ့ရပေ။
ထိုနေ့ ထိုအချိန်မှ စကာ ကျန်းမာရေး မကောင်း၍ အိပ်ယာထဲ လဲနေသော ယောက်ျားအနားတွင် မိန်းမသဏ္ဍန် ဖြူဖြူ အရိပ်တစ်ခုကို မကြာခဏ ဒေါ်သန်းရီ တွေ့ရသည်။
သမီးဖြစ်သူ အေးလှ ကြောက်မည်စိုး၍ မပြောပြခဲ့သော်လည်း ယခု သမီးကိုယ်တိုင် မြင်တွေ့နေရပြီ ဟု ဆိုသည်။
ကိုသက်ဦး၏ ကျန်းမာရေးမှာ ဆေးရုံက လက်လျော့လိုက်သဖြင့် အိမ်ပြန်ခေါ်လာစဉ်မှာလည်း ငိုရှိုက်သံ သဲ့သဲ့ကို သားအမိ နှစ်ယောက်လုံး ကြားကြရ၍ တစ်ယောက်မျက်နှာ တစ်ယောက် ကြည့်မိကြရသည်။
၎င်းနောက် ဖြူဖြူ သဏ္ဍန် အရိပ် မှာ မည်သူ့ကိုမျှ အနှောက်အယှက် မပေးပဲ ကိုသက်ဦးနားမှာသာ နေ့နေ့၊ ည ညရိပ်ခနဲ့ ၊ ဖျက်ခနဲ့ မကြာခဏ တွေ့ရသည်။
ထိုဖြူဖြူ အရိပ်သည် ဘာများ ဖြစ်မည်လဲ။ ဝိညာဉ်လား၊ တစ္ဆေလား ၊ သရဲလား။ ယောက်ျားဖြစ်သူ ကိုသက်ဦးနှင့် ထို မိန်းမသဏ္ဍန် အရိပ် တို့ မည်သို့ ပတ်သက်ခဲ့ပါ သနည်း။ ကျန်းမာရေး မကောင်းသည့် ယောက်ျားဖြစ်သူကိုလည်း မြင်ရလား တွေ့ရလားဟု မမေးရက် သဖြင့် ဒေါ်သန်းရီမှာ စိတ်ထဲမှာသာ တအုံ့နွေးနွေး ဖြစ်နေရတော့သည်။
-----------------------------------------------------------------------------
.... ဟော... မေမေ လာပြီ...
ဒေါ်သန်းရီ တစ်ယောက် ကားပေါ်မှ ဆင်းလာသော ယောက္ခမဖြစ်သူ ကို အိမ်ပေါ်မှ ပြေးဆင်း၍ ကြိုလိုက်သည်။
.... သမီး ဖွားဖွားလား... အခုမှ ပဲ မြင်ဖူးတော့တယ်....
အေးလှပါ ဆင်းလာပြီး အထုပ်ဝိုင်းဆွဲ၍ တစ်ခါမှ မတွေ့ဖူးသော အဖွားကို တွဲ၍ ခေါ် လိုက်သည်။
... သန်းရီ... ဒါ... ငါ့မြေးလားဟဲ့...
.... ဟုတ်တယ်လေ... အမေ... သမီးနဲ့ ကိုသက်ဦး ယူပြီးကတည်းက အမေက တစ်ခါမှ လာမလည်တော့ တာ ဘယ်မြင်ဘူးပါ့မလဲ....
ဟုတ်ပါသည်။ ကိုသက်ဦးနှင့် မသန်းရီကို လက်ထပ်ပေးပြီးကတည်းက လောကီကို စိတ်ကုန်ပြီဆို၍ ယောဂီဝတ်သွားခဲ့သော ဖွားခင်ကြီးမှာ သားနှင့် ချွေးမ ဆီ တစ်ခါမျှ ရောက်မလာ ခဲ့တော့ပေ။
ယခုမှ သားဖြစ်သူ ကိုသက်ဦး ကျန်းမာရေး မကောင်းဟု သတင်းရမှ သားဇောနှင့် အိုကြီးအိုမ ခရီးကြမ်းနှင် ပြေး လာခဲ့ခြင်း ဖြစ်သည်။
.... ဟင်း.... တောက်....
ဖွားခင်ကြီး အိမ်ပေါ် တက်ရန် ခြေလှမ်းပြင်စဉ်မှာပင် အိမ်ထဲမှ တောက်ခတ်သံကြီး ကြားလိုက်ရလေသည်။ ဖြူဖြူအရိပ်တစ်ခုလည်း အိမ်ထဲမှ ပြေးထွက်လာပြီး ဖွားခင်ကြီးထံ ခုန်အုပ်လိုက်သည်ကို အားလုံး တွေ့လိုက်ရသည်။
ဖွားခင်ကြီးမှာ တစ်စုံတစ်ယောက်က ဆောင့်တွန်းလိုက်သလို ခံလိုက်ရကာ တွဲထားသော အေးလှ နှင့်ပါ လုံးထွေး၍ မြေကြီးပေါ် ပစ်လဲကျသွားလေသည်။
.... ဟင်... ဘာကြီးလဲ... ဘာတွေလဲ... သန်းရီ...
အရိပ်လို သာတွေ့လိုက်ရပြီး အကောင်အထည် မတွေ့လိုက်ရ၍ ဖွားခင်ကြီး အလန့်တကြား မေးမိသည်။
.... လာ... လာ... အမေ... သမီး...နောက်မှ... ရှင်းပြပါ့မယ်....
ဒေါ်သန်းရီမှာ ယောက္ခမကို ထူ၍ အိမ်ပေါ် ကမန်းကတန်း ခေါ်သွားလိုက်ရသည်။ ခြေကျင်းဝတ်ရိုး နာသွား သဖြင့် ဆေးလိမ်းပေးရင်း အကြောင်းစုံ ရှင်းပြလိုက်တော့ ဖွားခင်ကြီး မှာ တအံ့တသြ နားထောင်နေသည်။ သူလည်း ဘာမှန်း သိပုံမရ။
ထူးခြားသည်က ဖွားခင်ကြီးရောက်လာပြီးကတည်းက ယခင် ငြိမ်သက်နေသော အိမ်မှာ ဆူညံ ပွက်လော ရိုက်နေသည်။
တောက်ခတ်သံကြီးများ၊ အံကြိတ် ငြီးငြူသံကြီးများ၊ အိမ်ကြမ်းပျဉ်ကို ဆောင့်နင်းသံကြီးများ ၊ မီးဖိုထဲမှ အိုးခွက်ပန်းကန်များအား လွင့်ပစ်ပေါက်သံများ အစဉ်မပြတ် ဖြစ်နေလေသည်။ အကောင်အထည်တော့ မတွေ့ရပေ။ အေးလှ မှာ ကြောက်လွန်း သဖြင့် အဖွားနှင့် အမေနားမှ မခွာတော့ပေ။
.... အစွဲအလန်းကြောင့် မကျွတ်မလွတ်တဲ့ ပရလောက သား ဖြစ်နိုင်တယ်... အရင်က မသောင်းကျန်းဘူး... အမေလာမှ သောင်းကျန်းတယ် ဆိုတော့... အမေ့အပေါ်မှာ မကျေနပ်တာ တစ်ခုခု ရှိလို့ပဲ... ဆရာ တစ်ယောက်ယောက် ပင့်ဖိတ်မေးမြန်းမှ သင့်တော် မယ်နဲ့ တူတယ်...သမီး...
ဒေါ်သန်းရီ မှာ ယောက္ခမ ဖွားခင်ကြီး စကားကို နာခံ၍ အကြားအမြင် ဆရာ တစ်ဦးကို အိမ်သို့ ပင့်ဖိတ် ခဲ့လေသည်။
---------------------------------------------------------------------------------
အကြားအမြင် ဆရာ၏ စီမံမှုဖြင့် အနက်ရောင် လိုက်ကာစ များ ပတ်ပတ်လည်ကာရံထားသော အခန်းတစ်ခန်း။
ထိုအခန်းအတွင်း တွင် ဖယောင်းတိုင် အတိုင်သေး သုံးတိုင်ထွန်းထားသည်။ တခန်းလုံးမှာ ထိုဖယောင်းတိုင် အလင်းရောင်သာ ရှိသဖြင့် လင်းလင်းချင်းချင်း သိပ်မရှိ။
ဖယောင်းတိုင် သုံးတိုင်နောက်မှာ အကြားအမြင်ဆရာက တပလ္လင်ခွေထိုင်၍ မျက်လုံးအစုံ မှိတ်ကာ တစ်စုံတစ်ခုကို အာရုံစူးစိုက်နေဟန် ။ ပါးစပ်မှလည်း တခုခုကို ရေရွတ်နေသည်။
အကြားအမြင် ဆရာရှေ့မှာတော့ ဒေါ်ခင်ကြီး၊ ဒေါ်သန်းရီ၊ အေးလှ တို့မှာ ကျုံ့ကျုံ့ကလေးထိုင်၍ ကျန်းမာရေးမကောင်းသော ကိုသက်ဦးမှာ ပက်လက်အနေအထားနှင့် မှိန်းနေသည်။
.... ကဲ... လူနာနဲ့ အိမ်ရှင် မိသားစုတွေကို အနှောင့်အယှက် ပြုနေတာ ဘယ်သူလဲ... ဆရာ့ရှေ့မှောက် အရောက်လာ ခဲ့စမ်း....
ချက်ချင်းတုန့်ပြန်မှု မရှိ။
... ဘာဖြစ်ချင်တာလဲ... ဘာလုပ်ချင်တာလဲ... လာပြောဖို့ ဆရာ မေတ္တာ ရပ်ခံပါတယ်....
.... မကျေနပ်ဘူး... ကိုသက်ဦး အမေကို နည်းနည်းမှ မကျေနပ်ဘူး...
အေးစက်စက် အသံတစ်ခု အခန်းထဲမှာ ထွက်ပေါ်လာသည်။
အသံလာရာ ဘက်ကို ကြည့်လိုက်ကြတော့ လိုက်ကာစများ၏ ထောင့် အမှောင်ကျသော နေရာတွင် အဖြူရောင် အရိပ်တစ်ရိပ်ကို မြင်တွေ့လိုက်ကြရသည်။
ပုံသဏ္ဍန်မှာ ဆံပင်ဖားလျားချထားသော မိန်းမတစ်ယောက်ပုံသဏ္ဍန် ဖြစ်သည်။
ဒေါ်ခင်ကြီး၊ ဒေါ်သန်းရီ ၊ အေးလှတို့မှာ ကြာကြာ ကြည့်မနေရြဲကပဲ ကြက်သီးတွေတဖျန်းဖျန်းထကာ မျက်လုံးစုံမှိတ်ကာ အကြားမြင်ဆရာနှင့် ဝိညာဉ်တို့၏ အမေးအဖြေစကားများကိုသာ နားစွင့်နေကြသည်။
.... အခုရောက်နေတဲ့ ဝိညာဉ်က ဘယ်သူလဲ...
.... ကျွန်မက လွန်ခဲ့တဲ နှစ် ၃၀ က ကိုသက်ဦးရဲ့ ချစ်သူပါ...
.... သမီးက..ဘာလို့ ဒီလို ဖြစ်နေရတာလဲ...
.... ဒီလိုပါ ဆရာ....
ဝိညာဉ်၏ စကားသံက အခန်းတွင်းမှာ လေးပင့်စွာ ထွက်ပေါ်နေသည်။
ရက်အတန်ကြာတဲ့ အထိ ပေါ်မလာသော ချစ်သူ ကိုသက်ဦးကို လေးနွယ် သတိရ တမ်းတစိတ်ဖြင့် လွမ်းဆွတ်နေချိန်မှာပင် မထင်မှတ်သော သတင်းဆိုး တစ်ခုကို ကြားလိုက်ရသည်။
ကိုသက်ဦး ဆုံးပြီ ဆိုတဲ့ သတင်း။
လေးနွယ်၏ ခေါင်းကို မိုးကြို ပစ်ချလိုက်သလို ခံစား လိုက်ရသည်။
.... မဖြစ်နိုင်ဘူး.... ကိုသက်ဦး ဆုံးပြီ ဆိုတာ မဖြစ်နိုင်ဘူး...
လေးနွယ် မယုံ သဖြင့် ချက်ချင်းပင် ကညင်ကုန်း ရွာသို့ လိုက်သွား ခဲ့ သည်။
ကိုသက်ဦး တို့ အိမ်ရှေ့ ရောက်တော့ အသုဘအခမ်းအနား ပြင်ဆင်ထားသည်ကို တွေ့ရသည်။ခြံထဲသို့ မဝင်ရဲ သဖြင့် အပြင်မှသာ ချောင်းကြည့်ရင်း ရင်ကွဲမတတ် ငိုကြွေးလျက် ရွာပြန်ခဲ့ရလေသည်။ နောက်နေ့ ကိုသက်ဦးတို့ ရွာ ထပ်သွား၍ အသုဘ အခမ်းအနားကိုချောင်း ကြည့်၍ ငိုကြွေးပြန်သည်။
နှစ်ရက် သုံးရက်ခန့် အလှမ်းကွာလှသော ရွာနှစ်ရွာကို အသွားအပြန်လုပ်ရသဖြင့် မောပန်းခြင်း၊ မည်သည့်အစာမျှ မစားပဲ မျက်ရည်ခမ်းမတတ် ငိုကြွေးခြင်း၊ ချစ်သူအတွက် ခံစားရအားကြီးလွန်းခြင်း တို့ကြောင့် လေးနွယ်မှာ ရင်ကွဲနာ ကျသည့် ဒဏ်မခံနိုင်ပဲ လမ်းမှာပင် လဲကျ အသက်ပါ သွား ခဲ့ရလေသည်။
အဲ့ဒါပါပဲ ဆရာ....ဟင့်..ဟင့်..
အခန်းထဲမှာ ဝိညာဉ်၏ သနားစရာ ငိုရှိုက်သံက ပျံ့လွင့်လာသည်။
.... ကျမ သေ သွားပေမယ့် ကိုသက်ဦးကို စွဲလန်းစိတ်နဲ့ တမလွန်ဘဝမှာ လိုက်ရှာ ခဲ့ပါတယ်...
မတွေ့ခဲ့ပါဘူး.... ဆက်တိုက်ရှာခဲ့တာလည်း မတွေ့ခဲ့ဘူး...
.....နှစ်ပေါင်း လဲ ကြာခဲ့ပါပြီ ဆရာ...
....ကျမ ရင်တွေ ကွဲကြေရတယ်...
.... အခု ပြန်တွေ့ရပြီ ...
....ကိုသက်ဦးကို သက်ရှိလူသားအဖြစ်နဲ့ ပြန်တွေ့ရပြီ...
.... မကြာသေးမှီက ပြန်တွေ့ရတဲ့ ကိုသက်ဦးကို ကျမ လက်မလွတ် နိုင်တော့ ဘူး ဆရာ...
.... ကျမ သူဆံပင်တွေကို ကိုင်ပြီး ငိုခဲ့ရတယ်...
.... သူ့ရဲ့ လက်ကလေးတွေကို ကိုင်ပြီး ငိုခဲ့ ရတယ်... ဆရာ...
.... အဲ့ဒီအချိန်မှာ ကိုသက်ဦးရဲ့ အမေကို တွေ့လိုက်ရတယ်...ကျမ အမုန်းဆုံးလူကို တွေ့လိုက်ရတော့ ဒေါသတွေ မထိန်းနိုင် ဖြစ်သွားတာပါ ကျေလည်း မကျေနပ်နိုင်ဘူး...ဆရာ...
လေးနွယ်၏ ဝိညာဉ်မှ မကျေမချမ်းသံ ထွက်ပေါ်လာသည်။
.... လေးနွယ်ရယ်... ကြားထဲကပဲ...ဆရာ မေတ္တာ ရပ်ခံပါတယ်... ပြီးခဲ့တဲ့ အတိတ်ကို ချေဖျက်လိုက်ပါတော့လား ...
ဖွားခင်ကြီး ကပါ ဝင်၍ တောင်းပန်လာသည်။
.... အဒေါ် မှားခဲ့ တာ တောင်းပန်ပါတယ် သမီးလေးနွယ်ရယ်... သားကို လေးနွယ်နဲ့ သဘောမတူပဲ သူဌေး သမီးလည်း ဖြစ် စိတ်သဘောထား ပြည့်ဝတဲ့ မသန်းရီနဲ့ သဘောတူခဲ့တယ်... သားကို အဝေးမှာ ပို့ထားပြီး... သားဆုံးပြီလို့ ရွာမှာ သတင်းလွင့်... အသုဘ ပြင်ဆင် ခဲ့တာပါ... သား.. အသုဘကို သား ကောင်မလေး လာကြည့်တယ် လို့ ပဲ သိခဲ့ရပြီး နောက်ပိုင်း ကောင်မလေး သတင်း ပျောက်သွားခဲ့ တာ ခုထိ ပါပဲကွယ်... သားကို ချစ်တဲ့ အတ္တစိတ်နဲ့ အဒေါ် မှားခဲ့ တာပါ သမီးရယ်... တောင်းပန်ပါတယ်...
အားလုံး ဝိုင်းတောင်းပန်ကြတော့ ဝိညာဉ်ထံမှ သက်ပြင်း ချသံ ထွက်လာသည်။
.... ဟင်း... ကျမ ဒီမှာ မနှောက်ယှက်တော့ပါဘူး... ဒါပေမယ့် ကိုသက်ဦးကို တမလွန်ကနေပဲ ကျမ ဆက်စောင့် နေပါတော့မယ်...
ဟုပြော၍ လိုက်ကာထဲမှ အငွေ့ပုံသဏ္ဍန်ထွက်လာပြီး မှိန်းနေသည့် ကိုသက်ဦးကို လုံးထွေး ရစ်ပတ် နမ်းရှိုက်ဟန်ပြု၍ ကန့်လန့်ကာ ထဲသို့ အငွေ့အဖြစ် ဝင်ရောက်ပျောက်ကွယ် သွားလေတော့သည်။
ကိုသက်ဦးကို ကြည့်လိုက်တော့ လက်ထပ်ပြီးကတည်းက တစ်ခါမျှ ဒေါ်သန်းရီ မတွေ့ဘူးသော နှုတ်ခမ်းထောင့်မှ အပြုံး၊ ဝမ်းနည်းဟန်သာ ရှိပြီး တစ်ခါမှ မငိုကြွေးဖူးသော ကိုသက်ဦး မျက်ဝန်းထောင့်မှာ မျက်ရည် စီးကြောင်းတို့ကို အံသြဖွယ် တွေ့လိုက်ရလေသည်။ လေးနွယ်၏ ဝိညာဉ်ပြောသမျှကို ကိုသက်ဦး ကြားလိုက်ရပုံ ပေါ်ပါသည်။ ကိုသက်ဦးလည်း ယနေ့ထိ လေးနွယ်ကို မေ့မရခဲ့ပုံပင်။
ထို့နောက်ပိုင်းတော့ ဒေါ်သန်းရီတို့ အိမ်မှာ ဖြူဖြူသဏ္ဍန်အရိပ်ကို မတွေ့ရတော့ပဲ အေးချမ်းသွား လေသည်။
တစ်လခန့် အကြာမှာတော့ ကိုသက်ဦးက အားလုံးကို ကျောခိုင်း၍ လောကကြီးကို နှုတ်ဆက်သွားလေသည်။
ယခင်က အသုဘ အတုအယောင်ဖြင့် သေပြီဟု သတင်းလွင့်ခံရသော ကိုသက်ဦး ယခုတော့ တကယ် အသုဘအခမ်းအနား ပြင်ဆင်၍ ဆွမ်းသွတ် အမျှဝေပေးခဲ့ရ လေပြီ။
အလှူအတန်းပြု အမျှဝေပေး၍ ကိုသက်ဦး တစ်ယောက် ကျွတ်လွတ်သွားပြီလား...။ ဒါမှမဟုတ် တမလွန် ဘဝမှာပဲ ချစ်ရတဲ့ လေးနွယ်နှင့် အတူ ပျော်ရွှင်နေမလား ဆိုတာတော့ မည်သူမျှ တပ်အပ် မသိနိုင်တော့ပါ။
.... ဖြစ်လေရာ ဘဝတိုင်း ချစ်တဲ့သူနဲ့ ချစ်တိုင်းညားပါစေ ကိုသက်ဦးရယ်...
ဟူ၍သာ ချစ်ခင်ပွန်း အတွက် ဒေါ်သန်းရီ တစ်ယောက် နောက်ဆုံး ဆုတောင်းပေးလိုက် မိပါတော့သည်။
-----------------------------------------------------------------------------
ပြီးပါပြီ။
စာရေးတတ်သူ မဟုတ်ပါ ။ အဟောင်းလေး ပြန်တင်ပေးခြင်း ဖြစ်ပါသည်။
ဝါသနာရှင် စာရေးသူ - မောင်လယ်တော
Comments
Post a Comment